Napasamak ti “hit-and-run car attack” iti sports center ti southern Chinese city ti Zhuhai a nakatayan ti tallo pulo ket lima nga indibidual ken nakadangran ti uppat a pulo ket tallo a dadduma pay.
Sigun kadagiti kameng ti pulisia sadiay, napasamak ti insidente idi kellaat a simrek ti bassit a lugan nga off-road kadagiti grupo dagiti tattao nga agsansanay iti ruar ti sports center.
Kinuna ti maysa kadagiti kameng ti Zhuhai police a ti suspek nga agnagan ti Fan nga agtawen ti innem a pulo ket dua ket maag-agasan iti ospital kalpasan a dinangranna ti bukoddna a bagi babaen ti kutsilio iti uneg ti lugan daytoy.
Iti met maysa a naberipikar a video, mabuya ti agarup dua pulo nga indibidual a naka-idda iti daga kalpasan ti panagatake.
Mangngeg dagiti ikkis ti “terrorista” bayat a simmangpet dagiti ambulansia a mangitulod kadagiti nasugatan iti ospital.
Ginasgasut a rescue personnel manipod Zhuhai city ken Guangdong province ti naideploy tapno mataming dagiti nadangran, ken nasurok tallo gasut a healthcare workers manipod iti lima a ospital ti nagtrabaho tapno maisalakan dagiti tattao.
Nakemmeg ni Fan iti nakapasamakn ti insidente kalpasana a gandatenna kuma nga aglibas, sigun kadagiti pulis nu sadinno kinunada a dinangranna ti bukodna a bagi a rason ti nakaro a pannakasugat ti tenggedna.
