Nakemmeg ti 37-anyos a babae, awanan trabaho, ken agdama a residente ti Purok 14, Lower Cypress, Brgy. Irisan, Baguio City babaen ti drug buy-bust operation sadiay Brgy Irisan, Baguio City ita nga aldaw
Nakumpiskar manipud ti suspek ti maysa a heat sealed transparent plastic sachet a naglaon ti maatap a shabu nga agdagsen iti 0.3grams ken SDP a Php 2,040.00 (Subject of Sale).
Malaksid ti dayta, nakumpiskar manipud kenkuana ti maysa a pidaso ti genuine five-hundred-peso bill, maysa nga one thousand peso bill a naaramat kas boodle money ken selpon.
Balligi ti nasao nga operasyon babaen iti panagtinnulong iti Baguio City Police Office Station Drug Enforcement Unit Police Station 5(Lead Unit), BCPO- Police station 9, City Intelligence Unit and City Drug Enforcement Unit.
Kabayatanna, ti nasao nga operasyon ket paset metlaeng ti Simultaneous Anti-Criminality Law Enforcement Operations (SACLEO).
Iti agdama addan ti kustodiya ti pulisya ti nasao a babai.











