Maysa a single mom ti mangar-aramid iti aniaman a kabaelanna tapno masuportaran ken maaywananna ti 6-anyos nga anakna iti baet dagiti nagduduma a karit iti biag daytoy.
Idiay Jalan Pantai Murni, Kuala Lumpur, makita ti maysa a delivery rider nga awitna ti anakna bayat ti panagtrabaho daytoy.
Iti naipablaak a ladawan, makita ti nakaisem nga ubing ken nakaarakop iti nanangna bayat a mangipatpatulod daytoy ti taraon iti nagduduma a lugar.
Ti anak ti 37-anyos a nanang ket permanente a saan a makakita.
Ti nasao a ladawan ket nangipaay inspirasyon ken ragsak kadagiti Malaysians.
Kabayatanna, ti nasao a ladawan ket maysa a pammaneknek nga awanan patingga ti panagayat ti maysa nga ina iti anakna ken saan a masubadan ti sakripisyo nga ar-aramiden dagitoy.
