--Ads--
Pimmusay ti 38-anyos a rider sadiay Km. 5 Asin Road, Baguio City itay parbangon gapu iti vehicular traffic accident.
Iti panakiuman ti Bombo Radyo iti Baguio City Police Office Police Station 9, kinunada a ti napasamak ket self-accident.
Dagus met a nagresponde ti Baguio City Police Station 9 ken ti Baguio City Emergency Medical Service iti nasao nga aksidente ken intarayda ti biktima iti pagagasan ngem naideklara daytoy a dead on arrival.
Nabigbig ti biktima a ni Mr. Dario Tiblac, residente ti Km. 5 Asin Road.
Sigun iti BCPO-PS 9, nagtaud iti biktima iti Central Business District ken paturong Km. 5 Asin Road idi napasamak ti insidente.
Iti agdama, maur-uray ti resulta ti medical examination daytoy.
