Agtultuloy nga umad-adu dagiti turista iti Camp John Hay, kalpasan a nairekord ti agtultuloy a panagngato iti tourist arrivals iti umuna a kagudua iti tawen 2026.
Sigun iti Camp John Hay, dumanon iti 4,149,053 ti pakabuklan a bilang dagiti bisita manipod idi Enero agingga Hunio. Iti maikadua a kwarter wenno manipod Abril agingga iti Hunio, dumanon iti 2,079,304 ti nailista nga arrivals.
Maipakpakita ditoy ti agtultuloy nga interes dagiti turista iti Camp John Hay kas maysa a kangrunaan a pagpasyaran iti Northern Luzon.
Malaksid iti napintas nga aglawlaw, tampok metlaeng ditoy dagiti heritage site ken dadduma pay a pasilidad para iti pag-aliwaksayan a masarakan iti siudad.
Gapu iti daytoy, agtaltalined a napateg a paset iti turismo ken ekonomiya iti Baguio ti Camp John Hay.
