Inwaragawag ti Philippine Drug Enforcement Agency (PDEA) a 4.3 a tulinada ti Shabu ti nakompiskarda, kadagiti anti-illegal drug operations nga impatungpal dagitoy iti immuna nga innem a bulan ti agdama a tawen.
Dakdakkel datoy no idilig iti 1.3 a tunilada ti shabu a nakompiskarda iti kapada a period idi napalabas a tawen.
Karaman iti nasao a bilang ti tolenada a shabu dagiti nasarakan iti baybay ti Zambales, Pangasinan, Ilocos Region, Cagayan, a maatap a nagtaud kadagiti sindikato.
Sigun kenni PDEA spokesperson Joseph Frederick Calulut, nagduduma ti modus nga ar-aramiden dagiti drug personalities, kas iti floating shabu, pannangikarga iti fishing vessel ken panagempakeda kas iti food products.
Kabayatanna, kinuna ni Calulut nga agpapada ti packaging dagiti nakumpiskar a shabu.
Mapapati a nagtaud dagitoy iti Golden Triangle area, partikular iti nagbeddengan ti pagilian a Myanmar, Thailand ken Laos.
