--Ads--
Uppat a nagsasaruno a ginggined ti narikna kadagiti nagduduma a lugar iti Pilipinas idi kalman, October 11.
Pakairamanan daytoy iti magnitude 5.0 a dimmalapos idiay Cabangan, Zambales 5:32 iti malem iti nasao a petsa.
Kasaruno dayta, narikna manen idiay Manay,Davao Oriental ti magnitude 5.8 a ginggined 6:27 iti rabii.
Kalpasanna, magnitude 4.1 met ti dimmalapos idiay Silago, Southern Leyte iti 9:54 PM iti isu metlaeng a petsa; ken kaudian ti magnitude 6.2 a narikna met idiay Cagwait, Surigao del Sur, 10:32 iti rabii.
Nagballa-ag met ti Philippine Institute of Volcanology and Seismology (Phivolcs) kadagiti posible nga aftershocks.
