--Ads--

BAGUIO CITY – Napilaan ti maysa nga ama ti kaso a homicide nga adda pakainaiganna iti Section 29 ti Republic Act 10591 wenno ti “Comprehensive Firearms and Ammunition Regulation Act”.

Daytoy ket kalpasan nga aksidente a napaltuganna ti 4-anyos nga anakna sadiay Apayao itay nabiit.

Maibasar iti report ti Calanasan Police Station, daldalusan ti suspek ti paltogna idi aksidente a pimtuk.

Linumsot ti bala ti paltog iti diding (wall) ti balay rason a natamaan ti biktima nga agay ayam iti ruar.

Kasaruno iti nasao nga insidente, inyunay-unay manen ti Calanasan Police Station nga isuko dagiti indibidual dagiti saan a rehistrado nga igam para iti umno a panakaidolinna ken maliklikan metlaeng ti aniaman nga insidente.