BAGUIO CITY – Manamnama ti panakaikabil ti libre a wireless fidelity wenno Wi-Fi iti uppat a disso ditoy siudad ti Baguio kadagiti sumarsaruno a tawen.
Sigun kenni Louie Metra, Relationship Manager ti PLDT-North Luzon, naituding a maimuntar ti public wi-fi sadiay City Hall, Mines View Park, Burnham Park ken iti Session Road.
Kinunana nga iti agdama ken manarimaan ti panakaipatakder ti transport ken infastructure para iti nasao a public wi-fi.
Maipalagip a ti PLDT ti nadutukan a mangimuntar iti public wi-fi.
Sigun met kenni Assistant Secretary Allan Cabanlong iti CyberSecurity and Enabling Technology ti Department of Information and Communications Technology, nakasaganan ti programada para iti panakaipaay ti public wi-fi kadagiti fourth class agingga sixth class municipalities.
Kinunana a maur-uray laengen ti panakaipasidong ti proyekto iti bidding sakbay a maipaay ti public wi-fi kadagiti munisipyo.