BAGUIO CITY – Nadangran ti uppat nga indibidual iti napasamak a vehicular traffic incident a nakairamanan ti maysa a parapubliko a jeep sadiay Harrison Road, siudad ti Baguio idi kalman.
Nabigbig dagitoy a da Jennylyn Fontawa, 43-anyos; Wilfredo Galeste, 52-anyos; Linda Minggol, 58-anyos ken ni Princes Katherine Cariño, 41-anyos; bin-ig a residente ti Baguio City.
Nabigbig met ti driver ti jeep nga addaan iti plaka nga AYP- 147 a ni Luis Comnad, 48-anyos ken residente ditoy siudad.
Maibasar iti report, dumaldalyast ti nasao a jeep iti deppaar ti Harrison Road idi naaddaan daytoy iti mechanical defect ken naidungpar iti steel railings ti sidewalk sadiay.
Nangitunda daytoy tapnu aglak-am iti minor injury ken maiturong iti pagagasan ti uppat kadagiti pasehero ti nasao a jeep.
