Dumanunen iti 40 nga indibidual ti pinnaayaban ti Philippine National Police (PNP)seknan iti dandani a pannakaipuslit ti P3.5 billion nga ilegal a droga manipud sadiay Laos ken paturong iti pagilian a Pilipinas.
Impaulog ti PNP ti subpoena kadagiti 11 a persons of interest nga innaganan ti Department of Interior and Local Government (DILG)
Karaman kadagitoy ni sigud a Bangsamoro Parliament member Edriezan Hadji Nasser Rimbang a maatap a financier ti operasion.
Sigun kadagiti otoridad, dumanon iti agarup P11 million ti katad ti ilegal a droga a nailugan iti pribado nga eroplano .
Nakompiskar daytoy sadiay Laos, sakbay nga agbiyahe a paturong iti Pilipinas.
Kabayatanna, suksukimaten paylaeng dagiti otoridad dagiti uppat kadagiti 11 a persons of interest agsipudta agar-aramat dagitoy iti bogus nga address.
