BAGUIO CITY – Naipilan ti kaso a panaglabsing iti Republic Act 9165 wenno Comprehensive Dangerous Drug Act of 2002, section 5 kontra iti 48-anyos a tubo ti Quezon City.
Nabigbig daytoy a ni Mario Lagamayo Conception, awanan trabaho ken residente ti Irisan, Baguio City.
Natiliw ti suspek babaen iti buy-bust operation nga insayangkat ti Baguio City Police Office – Police Station 6 ken Station 9 ken daduma pay a kameng ti pulisya idiay Purok 14-B Irisan, Baguio City.
Nakumpiskar manipud kenkuana ti maysa a pakete ti maatap a shabu nga agdagsen ti agarup 1.8 grams a mapatta-patta nga agbalor ti P8,840.
Iti agdama, adda ti kustodiya ti pulisya ti suspek ken ti nakumpiskar a daduma pay a kagawaan.
Naipaima iti Baguio Forensic Unit ti drug evidence para iti kanayonan nga imbestigasyon ken umno a disposisyon daytoy.
