Lima a communal irrigation systems iti probinsya iti Benguet ti naapektaran iti panagdalapos ti bagyo a ni Emong di napan a bulan.
Iti panakiuman iti Bombo Radyo kenni Engineer Liza Jane Chalikis, Operations and Maintenance Section Chief iti National Irrigation Administration- Cordillera,dagiti irigasyon kadagiti daduma a probinsya iti rehion ket nakapasar laeng iti light agingga moderate a panakadadael.
Iti datos nga imbinglay ni Engr. Chalikis, dumanon iti PhP1.6million ti danyos nga intunda ti bagyo a ni Emong iti nasao a a sektor bayat a PhP4.93 million ti gapu kenni bagyo a Crising.
Dagiti kangrunaan nga irrigation system a nadadael ket agserserbi kadagiti mannalon iti rehion.
Gapu iti dayta, adda metlaeng dagiti mannalon a naapektaran a naireport iti nasao nga opisina.
Nupay mabalin a maipaayan dagiti naapektaran a mannalon iti tulong, inlawlawag ti opisyal nga maibasar iti kapadasanda, adu pay dagiti requirements a kasapulanda a tungpalen wenno i-comply sakbay a mairuar ti pondo rason a mabalin a mabayagan ti panakaipaay ti tulong.//Bombo Rob Dominguez
