Inruaren ti Philippine Statistics Authority (PSA)–maibasar iti kaudian a resulta ti Labor Force Survey (LFS)–dagiti kangrunaan a trabaho nga addaan ti kangatuan a sueldo iti tunggal aldaw iti Pilipinas.
Ti resultsa iti October 2024 LFS ket dagiti sumaganad:
Dagiti trabaho iti Armed Forces ti addaan ti kangatuan a sueldo iti tunggal aldaw a P1,301, a ngimmato manipod iti P1,173 iti tunggal aldaw idi Oktubre 2023.
Karaman ti amin a trabaho iti Armed Forces, malaksid kadagiti adda kadagiti civil defense a kas dagiti pulis ken dagiti customs inspector.
Simmaruno dagiti propesyonal, nangruna dagiti umaw-awat ti sueldo a P1,168, a ngimmato manipod iti P1,135 tunggal aldaw manipod iti napalabas a tawen.
Dagiti propesional ket dagiti mangipapaay kadagiti siyentipiko wenno artistic concept ken theory iti aramidda a kas ti science, social sciences, legal ken social services, sining, ken dadduma pay.
Dagiti manager ti maikatlo iti listaan nga addaan iti sueldo tunggal aldaw a P1,109, a bimmaba manipod iti P1,254 tunggal aldaw idi Oktubre 2023.
Inladawan ti PSA a dagiti manager ket, “who plan, direct, coordinate and evaluate the overall activities of enterprises, governments, and other organizations.”
Maika-uppat iti listaan dagiti technician ken associate professionals, nga umaw-awat ti daily basic pay a P826, a ngimmato manipod iti sigud a P785.
Dagiti met clerical support workers ti maikalima nga addaan ti kangatuan a sueldo a P740, a ngimmato manipod iti P706 idi agpada a bulan idi 2023.
Dagiti clerical support work ket pakairamanan ti panagrekord, panagorganisa, panangisimpa ti impormasion, panagaramid kadagiti clerical kas iti panagusar ti kuart, panangisimpa ti biahe, ken kadagiti appointment.
Kabayatanna, ti lima met a trabaho nga addaan iti kababaan a sueldo tunggal aldaw ket dagiti sumaganad:
Skilled agricultural, forestry, and fishery workers - P378
Elementary occupations - P413
Service and sales workers - P525
Craft and related trades workers - P553, at
Plant and machine operators and assemblers - P583
