Nainget a pinaglibakan ni House Justice Committee Chairperson ken Batangas 2nd District Representative Gerville Jinky Luistro dagiti alegasyon nga adda mangidiaydiaya i kwarta kadagiti sumagmamano a mammanday-linteg kasukat iti botosda iti impeachment kontra kenni Vice President Sara Duterte.
Immunan a dinakamat ni Navotas Representative Toby Tiangco ngem pinaglibakan daytoy dagiti dadduma a miyembro ti komite kas kenni Manila Representative Joel Chua.
Iti agdama, agtultuloy pay laeng ti deliberasyon ti Kamara seknan kadagiti impeachment complaints kontra kenni Vice President Duterte , no sadino nakapokus pay laeng dagitoy iti maatap a misuse of confidential funds iti daytoy ti nagtugaw kas Department of Education secretary.
Iti likod ti nadakamat nga akusasyon, impanamnama ni Luistro nga agtalinaed a patas ken transparent ti proseso dagiti impeachment complaints. //bombokcs
