Nakadanunen iti pagilian dagiti lima manipud kadagiti dua pulo ket pito a seafarers a naglugan iti Transworld Navigator nga inatake dagiti rebelde a Houthi.
Pinasangbay met daytoy ti Department of Migrant Workers (DMW) ken ti Overseas Workers Welfare Administration (OWWA).
Kinuna ni Department of Migrant Workers Assistant Secretary for Sea-based OFW Concerns Jerome Pampolina, a nakaschedule ti flight dagiti nabatbati a seafarer inton bigat wenno inton July 3.
Impasiguradona met kadagiti seafarers a mangipaay ti opisina dagitoy iti kaskenan a tulong pinansyal ket psychological assistance.
Kabayatanna, indagadag ti Department of Migrant Workers kadagiti lisensyado a manning agencies nga ireportda dagiti high-risk voyages tapno agsana dagiti seafarers apaman a dumalyasatda iti dayta.//Rose
