Pimmusay dagiti lima nga indibidual bayat a nadangran dagiti dua pulo ket maysa a kaduada iti aksidente a panagbettak ti pyrotechnics ken firecrackers storage iti Marquez Compound, idiay Barangay Tetuan, Zamboanga City.
Malaksid iti dayta, sumagmamano metlaeng a residential ken building ti nadadael iti daytoy.
Sigun kenni Zamboanga City Police Office acting director Colonel Kimberly Molitas, minor ti maysa a pimmusay manipud kadagiti lima a pimmusay iti nasao nga insidente.
Dagus met a nagresponde dagiti firemen ken dagiti medical responders isu’t gapuna a naiturong a dagus dagiti nadangran para iti pannakapaagas.
Kaaduan kadagiti nadangran iti daytoy ket dagiti metlaeng trabahador iti nasao a warehouse.
Kinuna ni Molitas a naklaat ti agtagikua a ni Jonathan Chua iti napasamak isu’t gapuna nga awan paylaeng ti impormasyon mainaig iti nasao nga insidente.
Kabayatanna, impasigurado met ni Mayor John Dalipe a mangipaay dagitoy iti kaskenan a tulong para kadagiti nadangran a trabahor ken civilian a naiturong kadagiti hospital.//Rose
