BAGUIO CITY – Puntirya ita ti Department of Education (DepEd) – Cordillera a maksayan iti 50% ti panaka-aramat ti printed module iti sumaruno nga school year 2021-2022.
Sigun kenni DepEd-Cordilera Regional Director Estela Cariรฑo, gapu daytoy iti obserbasyonda nga adu unay a printed modules ti naaramat ita nga school year tapnu laeng matungpal ti Modular Distance Learning.
Kinunana a panggepda a gumatang kadagiti tablets ken two-way handheld radios a maiwaras kadagiti estudyante iti sumaruno nga school year tapnu malimitiran ti adu unay a produksion ti papel a maaramat para iti Modular Distance Learning.
Sigun kenkuana, aggiddan nga aramaten dagiti estudyante dagiti nasao a kagawaan ken ti printed modules dagitoy.
Dinakamatna nga ad-adalenda met ti maysa a wagas tapnu mabalin latta nga aramaten dagiti estudyante dagiti nasao a gadgets iti baet nga awanan dagitoy ti koneksion ken signal ti internet.
Immuna metten nga inbinglayna a maysa a karit iti Modular Distance Learning ti panakaitulod ken panagsublida kadagiti modules dagiti estudyante nangruna kadagiti adda iti nasusulinek unay a lugar.
Impanamnamana pay nga adda dagiti napusgan a mannursuro iti ICT a tumulong kadagiti mannursuro ken estudyante iti panakaaramat dagiti nasao a gadgets.
Kabayatana, manarimaan ti panangkonsulta ti DepEd-Cordillera kadagiti estudyante, nagannak ken dagiti mannursuro tapnu maala ti kapanunutan dagitoy para iti panakapapintas ti implementasyon ti panagadal iti sumaruno nga school year.
Nupay kasta, kinuna ni Cariรฑo nga iti obserbasyonna ket in-inot metten nga ad-adaptaren dagiti estudyante ken dagiti nagannak dagitoy ti new normal wenno distance learning kas maibasar iti assesment nga insayangkatda ita nga school year 2020-2021.
