Dumanon iti agarup 50 nga indibidual, pakairamanan dagiti 13 a minor de edad ti naarestar iti protesta kabayatan ti maikalima nga State of the Nation Address (SONA) ni President Ferdianand Marcos Jr idi July 27, 2026.
Sigun iti Philippine National Police (PNP), naarestar dagitoy kalpasan a maatap a sinuratanda ti maysa a pasdek ken nilabsingda ti lokal nga ordinansa babaen iti panagisuotda iti balaclavas.
Inlawlawag ni PNP chief Gen. Jose Melencio Nartatez Jr. nga adda ti legal a rason dagiti otoridad a mangtiliw kadagiti indibidual gapu iti maatap a panaglabsingda iti Republic Act 9003 wenno Ecological Solid Waste Management Act; Batas Pambansa Blg. 880 wenno Public Assembly Act; ken ti lokal nga ordinansa a mangiparparit iti panangisuot iti balaclavas.
Kadagiti 51 nga indibidual a naarestar, 34 ti naibiahe a nailugan iti Bureau of Jail Management and Penology (BJMP) bus, bayat nga uppat ti nagtaud manipud iti QCPD Police Station 6.
Kabayatanna, saan paylaeng nga inwaragawag dagiti otoridad ti naiturungan dagiti dadduma a naarestar.
