Rinugianen ti House of Representatives ti panagsagana para iti maikalima nga State of the Nation Address (SONA) ni President Ferdinand Marcos Jr. a naituding inton Hulio 27, 2026.
Sigun kenni House Secretary General Atty. Cheloy Velicaria-Garafil, “simplicity” ti agbalin a tema ti SONA ita a tawen.
Innayona nga awan ti red carpet ken atiddog a gown.
Kabayatanna, ginuyuguyna dagiti tumabuno nga agsuot iti simple ngem maitutop a kawes.
Daytoy ti kinunana ni Garafil kabayatan ti kaunaan nga inter-agency coordination meeting.
Dinar-ayan daytoy dagiti pannakabagi manipud iti Kamara, Senado, Malacañang, security agencies, ken lokal a gobierno tapno mapagsasaritaan ti seguridad, protocol, ken dadduma pay a panagsagana para iti tinawen a report ti Presidente iti Kongreso.
