Boluntaryo a simmuko iti General Santos City ti maysa a sigud a miembro ti House of Representatives, kalpasan a naipaulog ti uppat nga arrests warrants gapu iti maatap a graft and malversation of public funds.
Sigun iti Philippine National Police (PNP), nabigbig ti sigud a mammanday linteg iti alias “Boss”.
Naipaulog ti uppat nga arrest warrants gapu iti maatap a panaglabsing daytoy iti Anti-Graft and Corrupt Practices Act, ken Article 217 ti Revised Penal Code.
Inyunay-unay ti PNP a napakaammuan ti sigud a mammanday linteg iti nagtaudan ti warrants kasta met ti karbengan daytoy.
Sigun kenni PNP chief Police General Jose Melencio Nartatez Jr., adda ti responsibilidad dagiti police personnel a mangipatungpal iti pammilin ti korte, anya man ti pakabigbigan ken sigud a posisyon ti maysa nga indibidual.//
