--Ads--
Inwaragawag ni House Speaker Faustino “Bojie” G. Dy III ti umadani a pannakailukat ti maysa nga online transparency portal iti website ti Kamara no sadino manamnama a mangited dalan iti publiko tapno mabantayanda dagiti proyekto a ponpondoan ti gobyerno.
Sigun kenni Speaker Dy, narugian ti pannakaaramid ti nasao a portal idi Setyembre. Manamnama met a malukatan daytoy kadagitoy sumarsaruno nga aldaw.
Panggep ti nasao a portal nga ipaayan ti oportunidad dagiti umili para iti naparpartak nga access iti umno nga impormasyon seknan iti panagaramat iti pondo ti pagilian.
Innayon daytoy a rumbeng a maamuwan ti publiko no ayna ti pagturturongan ti tunggal sentimo manipus iti buwis dagiti umili.
