Mapattapatta a dumanon iti 54 a rehion ken probinsiya iti Pilipinas ti posible a makapasar iti krisis ti danum ken tikag sakbay nga agleppas ti 2026 agingga iti umuna a bulan ti 2027.
Maibasar iti El Niño Snapshot ti United Nations Office for the Coordination of Humanitarian Affairs (UNOCHA), rumrummuar nga umuna a makapasar iti tikag dagiti rehion sadiay Bicol ken Eastern Visayas sakbay a makadanum iti Luzon, MIMAROPA, ken Metro Manila intun Enero 2027.
Manamnama nga intun Marso, marikna ti epekto ti tikag iti dagduduma a paset ti pagilian, partikular iti Western Visayas, Central Visayas, ken intero nga isla ti Mindanao.
Agbalballaag dagiti eksperto a mangitunda daytoy iti dakkel a pannakadadael ti mula, kinakurang ti suplay ti danum, panagngato ti presyo dagiti tagilako ken panagraira dagiti sakit gapu iti nabara a temperatura.//
