--Ads--
LA, TRINIDAD, BENGUET – Agpapaimbag ita iti ospital ti 56-anyos a babai kalpasan a naatalan daytoy ti truck idiay Km5. La Trinidad, Benguet itay agsapa.
Nabigbig daytoy a ni Ruth Teodoro, residente ti Pinesville, Baguio City.
Maibasar iti inisyal a report ti La Trinidad Traffic Unit, bumalballasiw ti nasao a biktima idi naatalan daytoy ti maysa nga Isuzu truck nga imanmaneho ni Deurod Lacaden, 30-anyos ken residente ti Betag, La Trinidad, Benguet.
Gapu iti dayta, naipasirok ti biktima iti truck ken nagsagrap iti dunor.
Dagus met a naitaray ti biktima iti Benguet General Hospital para iti pannakatamingna.
Iti agdama ket manarimaan ti negosasyon iti nagbaetan ti driver ken ti pamilya ti biktima.//Via Bombo Genzel Depayso
