--Ads--
BAGUIO CITY – Nadiskobre dagiti personnel ti Bureau of Customs ken Armed Forces of the Philippines ti 57,000 a sako ti imported a refined wenno puraw nga asukar iti La Perla Sugar Export Corporation warehouse sadiay Quezon City itay nabiit.
Nagtaud dagiti sinaksako nga asukar manipud Thailand ken mapatta-patta nga aggatad dagitoy iti P285 million.
Tunggal sako ket agdagsen iti 50 kilos ken aggatad iti P5,000.
Agtultuloy ti inspeksyon dagiti maseknan nga ahensiya ti gobyerno kadagiti warehouses iti pagilian kas maitunos iti kampanya ti Marcos Administration kontra iti illegal importation ti agricultural products.
Panggep ti inspeksyon a duktalen nu agkurkurang ti suplay ti asukar iti pagilian wenno saan.
