Dinnayeg ti 6.8 magnitude a gingined ti Kyushu region idiay Southwestern Japan ita nga aldaw.
Gapu iti dayta, dagos a nangipaulog dagiti otoridad idiay Japan ti balakad seknan iti tsunami.
Iti balakad nga impaulog ti Japan Meteorological Agency (JMA) para iti tsunami waves, dumanon iti agingga maysa a metro wenno tallo a kadapan kalpasan ti ginggined iti taaw ti Miyazaki prefecture iti Kyushu region.
Sigun iti US Geological Survey, sinukkatanda ti sigud a patta-pattada a 6.8 manipod iti 6.9, ken innayonda nga awan ti pangta ti tsunami manipud iti ginggined.
Nupay kasta, indagadag ti Japan Meteorological Agency iti publiko nga umadayoda kadagiti danum iti igid ti baybay.
Kabayatanna, iti maysa a balakad, impasigurado ti Philippine Institute of Volcanology and Seismology nga awan ti pangta ti tsunami iti Pilipinas.
