BAGUIO CITY – Nadadael ti innem a pagtaengan sadiay Labaan, Bucloc, Abra gapu iti panagdalapos ti alipugpug sadiay idi malem ti Biyernes, August 9.
Sigun kenni Elmer Bersamin, Provincial DRRM Officer ti Abra, nagresulta daytoy iti panaka-apektar ti innem a pamilya a bukbuklen ti 28 nga indibidual.
Kinunana a dua a pamilya ti nagbakwit iti kabagianda bayat a dagiti uppat a pamilya ket nagturong iti evacuation center.
Innayonna a totally damaged ti dua a balay a tagikua ti pamilya da Ruben Ganatin ken Eliza Tubban bayat a partially damaged ti uppat a balay a tagikua ti pamilya da Amboy Dagsi, Elisa Salingbay, Zaldy Pavo ken Reynaldo Galvan.
Personal met a sinarungkaran ti Bucloc LGU iti panangidaulo ni Mayor Gybel Cardenas dagiti biktima para iti panakaipaay ti emergency assistance.
