--Ads--
BAGUIO CITY – Iimpaayan ti lokal a gobyerno ti Baguio iti innem a bulan a pawayway dagiti 26 nga establishimento ditoy siyudad tapnu isublida ti sigud a parking lot dagitoy a napagbalin a paset wenno extension ti commercial establishment dagitoy.
Sigun kenni Mayor Benjamin Magalong, naan-anayen ti nasao a panawen kadagiti establishimento a mangrakrak kadagiti extension ti pasdek dagitoy tapnu maisubli kas pagparadaan.
Impettengna a nasken a maawatan dagiti agtagikua kadagiti 26 a pasdek a saan laeng a kustomer ti i-akomodar dagitoy ngem ketdi, uray ti lugan dagiti kustomer dagitoy.
Immunan a binigbig ti City Buildings and Architecture Office dagiti building owners nga iligal a nangpabalin a commercial spaces iti parking lot dagitoy.
