--Ads--
Imbelleng dagiti mannalon ti 16 a plastic ti cellery a kargana kalpasan a saan a nagatang idiay La Trinidad Trading Post itay nabiit.
Sigun iti maseknan, dua nga aldaw a nagpila daytoy iti trading area gapu iti kaado dagiti agilako iti natengda.
Gapu iti kaattidog ti pila, nagbaliwen ti kulay ti kargana a cellery rason nga awanen ti manginkayat a gumatang.
Dinakamatna a P10 agingga P15 ti presyo ti tunggal kilo ti cellery iti aldaw a nangibiahenna.
Nupay kasta, saanen a kayat a gatangen dagiti buyers gapu ta nagbaliwen ti langana.
Gapu iti daytoy, awan ti naaramidenna nu di iyawid ken ibelleng.
Inlawlawagna a saanen a mabalin a maipadawat ti kargana agsipud ta dandani metten madadael daytoy.
