--Ads--
Dumanon iti 6,000 a Philippine National Police (PNP) ti naideploy iti intero a Pilipinas a mang-asistar kadagiti Pilipino a naapektaran iti mapaspasaran a bagyo a Crising.
Sigun kenni PNP chief information officer Brig. Gen. Randulf Tuaño, pakabuklan iti 1,606 nga uniformed police personnel ti naideploy kadagiti lugar a naapektaran iti panaglayos sadiay Cagayan Valley Region, Central Luzon, Cordillera Administrative Region, Metro Manila, Western Visayas, Negros Island Region, ken Zamboanga Peninsula Region.
Innayonna pay nga umdas ti bilang dagiti policemen a naideploy kadagiti sumagmamano a lugar sadiay Metro Manila.
Kabayatanna, dumanon metten iti 13,715 evacuation centers ti naisagana a pagbakwitan dagiti possible a maapektaran iti bagyo.
