--Ads--
Dumanon iti 6,000 nga estudyante ti naapektaran iti influenza like illnesses sadiay Malaysia.
Gapu iti dayta, nagrekep dagiti sumagmamano a pagadalan para iti seguridad dagiti ubbing ken staffs.
Sigun kenni director general Mohd Azam Ahmad, arigna a makapaspasar dagitoy iti kapada nga infectious diseases manipud idi COVID-19 pandemic.
Nagpalagip metlaeng dagitoy kadagiti pagadalan a suruten dagiti pagalagadan, ti panagaramat iti face masks ken ti panangkissay iti dadakkel a group activities dagiti estudyante.
Nupay kasta, saannan nga impakaammo no manu a pagadalan ti nagrekep iti nasao a pagilyan.
