Boluntaryo a nagbakwit ti agarup 68 a pamilya a bukbuklen ti 351 nga indibidual idiay Itogon gapu iti napadasan ti rehiyon a saan a nasayaat a paniempo.
Maibasar iti kaudian a report ti Municipal Social Welfare and Development Office (MSWDO), 227 a pamilya wenno 874 nga indibidual ti naapektaran iti siyam a barangay iti munisipyo, no sadino 81 a babbalay iti nadadael.
Nangiwaras metten ti MSWDO iti 238 a family food packs ken hygiene kits kadagiti naapektaran a residente.
Kasta met a nangipaayda iti 200 a five-kilogram rice packs bayat a ti Office of Civil Defense-Cordillera ket nangipaay met kadagiti nonfood items ken fuel assistance para iti emergency response operations.
Indauloan met ni Mayor Bernard Waclin, kadua ti MSWDO ken Disaster Risk Reduction Councils, ti assessment ken relief efforts. Sigun met iti municipal government,awan pay ti naipadamag a casualties iti munisipyo iti baet ti napaut a panagtudo ken agsasaruno a weather disturbances. | via Bombo Khey Reparip
