Idagdagadag ti maysa a grupo kenni sigud a vice president Leni Robredo nga ikonsiderana ti desision a tumaray iti nasyonal a posision inton 2025 elections.
Sigun kenni Federation of Free Workers (FFW) Women’s Network (FWN) Maria Victoria Bellosillo, ni Leni ket kasapulan iti pagilian a Pilipinas.
Ti statement ket kasaruno ti kinuna ni Robredo a saanna a puntiria a tumaray iti Senador iti umay a tawen.
Dinakamat ni Robredo nga imikkaten daytoy iti Liberal Party gaputa panggepna a tumaray kas Mayor idiay Naga City.
Ngem impaganetget ti nasao a grupo a ti liderato ni Robredo a dakdakkel ti kabaelanna iti national level.
Maipalagip a ni Robredo ket ti maika-sangapulo ket uppat a bise presidente ti pagilian ken nagserbi pay daytoy kas 3rd district representative ti Camarines Sur manipod 2013 agingga 2016.
Timmaray daytoy iti kina-presidente iti 2022 elections ngem naabak daytoy.
