Impablaak ti Bureau of Plant Industry ti Department of Agriculture a “blacklisted” ti 10 a kompania iti napalabas nga innem a bulan gapu iti pannakipasetda kadagiti iligal a trading nga ar-aramidenda.
Inlawlawag ti nasao nga ahensia a naka-blacklist dagitoy a kompania gapu iti panagangkatda kadagiti nateng, prutas, ken dadduma pay a produkto a taraon nga awan ti sanitary ken phytosanitary import clearances ti BPI.
Kadagiti trading companies, uppat ti saan a lisensiado nga importer.
Kabayatanna, uppat pay a kompania ti naduktalan a karaman iti a nairaman anti-competitive practices, kas iti panangmanipula iti presio ken “collusion.”
Sigun kenni BPI Director Gerald Glenn Panganiban, naikkaten ti lisensia dagiti blacklisted companies, bayat a naparitan dagiti awan lisensiada.
“We have blacklisted more companies in the past six months than in the past six years combined. This should serve as a clear warning to those who attempt to challenge our resolve in going after smugglers and unscrupulous traders whose illegal activities harm our farmers, fisherfolk, and consumers.”
Agriculture Secretary Francisco Tiu Laurel Jr.
Ti panangi-blacklisting kadagiti kompania a makiramraman iti iligal a “panagtagilako”trading” ket paset ti tignay ti DA a manglaban iti panagpuslit iti agrikultura, panagganansia, panagurnong, ken dadduma pay.
Iti rekord ti Philippine Statistics Authority, bimmaba ti inflation ti bagas iti 5.1% idi napan a Nobiembre, nu sadinno daytoy ti kababaan nga inflation a print para iti bukbukel sipud idi Hulio 2023
