Pinadayawan iti lokal a gobierno iti siudad ti Baguio ti pito a kameng iti City Disaster Risk Reduction and Management Office (CDRRMO) team kalpasan a nakipaset iti search and retrieval operations iti nargaay a pasdek idiay Angeles City.
Sigun kenni Charles Bryan Carame, team leader iti Baguio response team, ibilangda a pammadayaw ti tumulong iti operasion.
Pinadayawan met ni Mayor Benjamin Maglong ti grupo gapu iti positibo a feedback a naawatda manipod idiay Angeles City ken nasayaat a panagtignayda iti mision.
Sigun kenni Carame, kiniddaw pay iti lokal a gobierno iti Angeles City a paatidugen ti deployment, gapuanan tapno agtalinaed ti lima a kameng para iti kanayunan a suporta.
Maipalagip a nakadanon ti Baguio team idiay Angeles City idi Mayo 27 ken dagos a nagtignay iti operasion usar dagiti rescue equipment a kas iti life detectors, cutting tools, generator sets, ken rescue cameras.
Ti panagdeploy ket paset iti panagtinnulong dagiti lokal a gobierno iti panawen iti didigra ken kas maitunos iti sister-city agreement iti Baguio ken Angeles City.
