![](https://img.bomboradyo.com/baguio/2020/04/sugal-bangued-3.jpg)
BAGUIO CITY – Dumanon iti 702 nga indibidual ti nakemmeg ditoy rehiyon idi napan a tawen kagiddan ti agtultuloy nga operasyon ti Police Regional Office Cordillera (PROCOR) kontra iti illegal gambling.
Kabayatan ti nairtengan nga operasyon ti PROCOR manipod Enero agingga 2021 ket nagdoble ti natiliw nga indibidual manipod iti 381 a nailista idi 2020 ket ngimmato daytoy iti 702 idi 2021.
Maibasar iti record ti Regional Operations Management Division ket dumanon iti 151 nga anti-illegal gambling operations ti naipatungpal iti nagduduma nga probinsia iti rehiyon a nagresulta iti panaka-kumpiskar ti P704,617 a taya ken gambling paraphernalia bayat nga 143 a kaso ti naipila kontra kadagiti natiliw a suspek.
Manipod iti nasao nga record, nailista ti Baguio City Police Office (BCPO) ti 231 a kangatoan a bilang dagiti nakatiliw kadagiti suspek; sarunuen ti 224 iti Abra Police Provincial Office (PPO); 147 iti Benguet PPO; 45 ti Kalinga PPO; 36 iti Mt. Province PPO; 10 iti IFUGAO PPO; ken 9 iti Apayao PPO.
Amin met dagiti natiliw nga suspek ket napilaan iti kaso a panaglabsing iti Presidential Decree No. 1602 a mangtudtuding kadagiti pannusa mainaig iti illegal a panagsugal.