Agpalpalagip dagiti otoridad seknan iti maysa kadagiti modus nga ar-aramiden ti sumagmamano nga individual kalpasan nga adda dagiti naduktalan a fictitious owner a mangilaklako kadagiti properties.
Sigun kenni Pmaj Ergie Wanawan, Station Commander ti Baguio City Police Office Station 7 , manarimaan ti imbestigasyon dagitoy iti dua a kaso ti estafa no sadinno ti nagbalin a modus daytoy ket ti maatap a panangparenta wenno panagilako iti maysa a property babaen kadagiti fictitious owner.
Inlawlawag ni PMAKJ Wanawan a napasamak ti nasao a kaso idi Hulyo ken Agosto iti agdama a tawen ngem ita laeng a nagreport dagiti biktima.
Rumrumwar iti initial nga imbestigasyon ti otoridad nga agpada a tao ti nangbiktima kadagiti nagreport a biktima.
Imbinglay ti opisyal a dumanon iti agraup 400k ti nabayadan ti immuna a biktima bayat a ti maikadua ket nagbayad met iti 500k.
Kabayatanna, rumrumwar metlaeng iti initial nga impormasyon a nakita dagiti biktima ti post iti social media nga adda iti mailaklako a house and lot wenno agpapalease agingga a naadaan dagitoy ti komunikasyon ken nagdesisyun nga agtransactda iti syudad.
Agpalpalagip met ti opisyal iti publiko a saan a makitransact a dagus nu involved iti dakkel a gatad iti kwarta no saan paylaeng a naberipikar nu addaan dagitoy iti kumpleto a papeles wenno umno a dokumento.
