--Ads--
Pimmusay ti 17-anyos a lalaki a Pilipino idiay Italy iti aksidente idi laeng Sabado a napasamak iti sanguanan ti Philippine Consulate General idiay Milan.
Sigun iti konsulado ti Pilipinas, naidungpar ti kotse iti maysa a poste nga imanmaneho ti biktima iti agsapa idi Sabado.
Saan a dinakamat ti konsulado nu sadinno ti pagturungan ti biktima ken paturong kadi daytoy iti opisina ti konsulado tI Pilipinas idi napasamak ti insidente.
Nangipaay metten ti panakipagladingit ti konsulado ti Pilipinas iti pamilya ti biktima, a saan pay a nainaganan.
