--Ads--
BAGUIO CITY – Bangkayen a nasarakan ti maysa a baket iti uneg a mismo ti pagtaengan daytoy sadiay Lot 1 Block 3, Phase 1, Richview Square, Bakakeng, Baguio City idi malem kalman.
Nagbigbig daytoy a ni Lourdes Abalos Teodoro, 77-anyos a maysa a housewife.
Maibasar iti inisyal nga imbestigasion, napukpuk ti ulo ti biktima a nagresulta iti dagus nga ipupusay daytoy.
Sigun iti anak ti biktima a ni Dr. Emily Teodoro Estares, nabati iti balayda ti inada ken nadiskobreda laengen ti bangkay daytoy idi nakawidda.
Kinunana a mapukpukaw dagiti kuarta ken alahas dagitoy.
Iti agdama ket maur-uray ti resulta ti kanayunan nga imbestigasion ti pulisya tapno maammuan ti pakabuklan a gatad ti kuarta ken dagiti alahas a natakaw iti nasao a pagtaengan.
