PHILIPPINES – Kaadoan kadagiti adult Filipino ti nakasagana a mangidepensar ken mangilaban iti pagilian a Pilipinas manipud kadagiti mannakop.
Kasaruno daytoy ti bumarbara a tension iti West Philippine Sea gapu iti aktibidad nga ipatpatungpal ti China.
Maibasar iti survey ti OCTA Research, 77% kadagiti adult Filipino ti nangibaga a nakasagana dagitoy a mangidepensar ken mangisakit iti pagilian manipud kadagiti kalaban.
Nairekord ti kangatoan a percentage idiay Mindanao nga 84% bayat a nailista ti kababaan a percentage idiay Visayas a 62%.
Maibasar pay iti survey, kaadoan kadagiti adult Filipino a nangipeksa iti panangisakitda iti pagilian ket manipud Davao region ken Caraga a 96%, sinaruno ti Soccsksargen a 95%.
Kabayatanna, 52% kadagiti nataengan idiay Central Visayas ken 54% idiay Bicol Region ti nangibaga nga idepensarda ti pagilian manipud kadagiti mannakop.
Kaadoan kadagiti agtawen iti 45 agingga 54 a lallaki, vocational education ti nakasagana bayat a dagiti agtawen iti 65 agingga 74, college ken postgraduate education ket bassit ti nangipeksa iti kinasaganada.
