--Ads--
BAGUIO CITY- Pormal a mailukat ti 7th Mangan Taku Cordillera Food Fair idiay Rose Garden, Burnham Park iti 2:00 p.m, April 23.
Karaman iti aktibidad dagiti 46 nga exhibitors a mangibagi iti probinsiya ti Abra, Apayao, Baguio City, Benguet , Ifugao , Kalinga ken Mt. Province.
Malaksid iti dayta, makipaset metlaeng dagiti Slow Food communities iti Cordillera ken dagiti exhibitors manipud idiay Cagayan Valley ken Ilocos Region.
Ti Mangan Taku Cordillera Food Fair ket maysa nga aktibidad a mangipakpakita ken mangitantandudo iti Cordilleran culinary heritage nga addaan tema a “Preserving Traditions, Sustaining Flavors”.
Mangrugi nasao nga aktibidad ita nga aldaw agingga intun Abril 27 iti agdama a tawen.//mp4
