BAGUIO CITY – Pimmusay ti maysa nga ubing a lalaki kalpasan a nalmes iti Tappia Waterfalls sadiay Batad, Banaue, Ifugao idi kanikadua.
Nabigbig daytoy a ni Fredie Nabad-ao Amehna, otso anyos ken residente ti Batad, Banaue, Ifugao.
Maibasar iti report, nakaawat ti Banaue PNP iti tawag seknan iti insidente ti panakalmes iti nasao a waterfalls isut gapuna a dagusda a nagturong iti nasao a lugar.
Nupay kasta, nasangpetandan ti awanan biag a biktima iti uneg ti pagtaengan dagitoy.
Naamuan a nagturong ti biktima ken dagiti kakaduana iti Tappia Waterfalls tapnu aglangoy ken manarimaan ti panaglangoy ti biktima iti igid ti waterfalls idi naiguyod daytoy gapu iti napigsa a pegges ti danum.
Narekober met ti bangkay ti ubing kalpasan ti nasurok dua nga oras.
