Pimmusay ti walo nga indibidual kalpasan a rinaut ti rebelde a grupo a Houthi, a supsuportaran ti Iran, ti maysa a cargo ship iti Bab el-Mandeb Strait, Yemen idi Martes.
Sigun iti Yemeni Transport Ministry, uppat a crew member—tallo a Pakistani ken maysa nga Indonesian—ti pimmusay. Dua met ti nagtaud iti anti-Houthi National Resistance Forces ken dua pay a rescuers ti pimmusay iti nagsasaruno a panagraut. Sangapulo ti nadangran.
Nabigbig ti barko a Tihamah, a kukua iti Egyptian companies.
Sigun kadagiti otoridad, naawanan iti kontrol iti barko ti crew kalpasan ti panagraut.
Kabayatanna, kinuna iti US Central Command a natamaan iti dua a Hellfire missiles ti Panama-flagged container ship Vela Nova iti Gulf of Oman kalpasan a mapapati a saanna a nagtulnog kadagiti pagalagadan seknan iti naval blockade kadagiti sangladan iti Iran.
Gapu iti agtultuloy a panagraut ken tension iti rehion, nadlaw a bimmaba ti bilang dagiti barko a nagdalyasat iti Bab el-Mandeb, Red Sea ken Strait of Hormuz.
