LA TRINIDAD, BENGUET- Nailukaten iti publiko ti 8th Coffee Festival sadiay La Trinidad, Benguet ita nga aldaw ken agleppas inton Pebrero dise sais.
Addaan daytoy iti tema a “Brewing Unity through Coffee”.
Iti pannakiuman ti Bombo Radyo kenni La Trinidad Councilor Belmer Elis, kinunana a ti nasao a festival ket opisyal a nailukat babaen iti ribbon cutting iti municipal grounds sarunuen ti opening ceremony nga indauluan ni La Trinidad Vice Mayor Roderick Awingan ken dadduma pay.
Nakipasetan met daytoy ti publiko pakairamanan dagiti coffee shops nga agop-operate iti nasao a munisipyo.
Highlight iti kompetisyon ket dagiti Benguet Coffee wenno Arabica a pakairamanan metlaeng dagiti dadduma pay a kita ti kape.
Malaksid iti dayta, adu metlaeng dagiti nakapila nga aktbidad iti daytoy kas iti iti Search for the best La Trinidad Coffee Shops, coffee roasting and browing competition, coffee art painting, coffee farm tour ken dadduma pay.
Sigun kenni Elis, panggep ti nasao nga aktibidad a maitandudo dagiti local farmers kasta metten dagiti lokal a produkto dagitoy.
Gapu iti dayta, al-allukuyen ni Elis ti publiko a makipaset ken agbisita iti munisipyo dagitoy tapno maimatangan dagiti nagduduma nga aktibidad iti manarimaan a coffee festival.
