--Ads--
Pimmusay ti agarup siam nga indibidual iti maysa a pagadalan idiay Austria kalpasan a pinalpaltugan ti maysa a gunman.
Sigun kadagiti lokal a kameng ti pulisia sadiay, pimmusay metlaeng ti gunman ken mapapati a maysana laeng a nangaramid iti krimen.
Malaksid kadagiti pimmusay, nadangran pay ti tallo pulo a dadduma pay.
Kaaduan kadagiti pimmusay ket ubbing nga agis-iskuela iti pagadalan.
Saanen a dinakamat dagiti otoridad ti suspek, ngem sigun iti maysa a report, sigud nga agad-adal ti suspek iti pagadalan nga agtawen ti duapulo ket dua.
Manarimaan metten ti panangberipikar dagiti otoridad iti pakabigbigan ti suspek.
Iti agdama, mabambantayan ti lugar ken maay-aywanan dagiti kabagian dagiti biktima ken estudiante.
