--Ads--
BAGUIO CITY – Naipasidong iti pre-emptive evacuation ti 9 a pamilya a bukbuklen ti 40 nga indibidual manipud sadiay Purok 24, Barangay Irisan, Baguio City idi kalman ti parbangon.
Iti panakiyuman ti Bombo Radyo kenni Franzes Ivy Carasi, information officer ti Office of the Civil Defense – Cordillera, kinunana a naibakwit dagiti nasao a pamilya gaputa adda ti pangta a posible a margaay ti retaining wall wenno kabite nga asideg iti babbalay dagitoy.
Sigun kenkuana, temporaryo a nakidagas dagiti maseknan a pamilya iti pagtaengan dagiti kaaruba ken kabagian dagitoy.
Naipaayan metten dagitoy iti relief packs manipud iti City Social Welfare and Development Office.
