BAGUIO CITY – Naiturong iti pagagasan ti siam nga indibidwal kalpasan a naidungpar iti poste ti kuryente ti nagluganan dagitoy sadiay Camp 4, Kennon Road, Tuba Benguet idi kalman.
Nabigbig dagitoy a da Redentor Ganasi, 54- anyos; Fe Ganasi, 51-anyos; Patricia Apil, 52-anyos; Teresa Ganasi; Ruth Ganasi; Joy Takiban; Marilou Sab-it; Rayvel Apil, 13- anyos ken ni Dominador Takiban, 11-months old.
Dagiti pasahero ket bin-ig a tubo ti Bangao, Buguias, Benguet bayat a ti lugan dagitoy ket maysa a Tamaraw FX nga addaan iti plaka nga WFY 711.
Iti panakiuman ti Bombo Radyo kenni SPO4 Romando Ande, manipud iti Tuba Municipal Police Station, kinunana a nagtaud dagiti nasao nga indibidwal sadiay baba [low land] idi nakatuglep ti driver a ni Redentor Ganasi kabayatan ti panagturongda ditoy siudad.
Gapu iti daytoy ket naidungpar ti lugan iti poste ti kuryente nga ada iti kanawan a paset ti kalsada.
Iti met panagresponde dagiti otoridad ket dagus a naiturong iti pagagasan ti siam a pasahero pakairamanan ti driver bayat a ti sango ti lugan dagitoy ket nakaro a nadadael.
————– Filipino translation ————–
BAGUIO CITY – Ligtas na ang kalagayan ng siyam na katao na nasugatan sa pagsalpok ng kanilang sasakyan sa poste ng kuryente sa Camp 4, Kennon Road, Tuba Benguet.
Nakilala ang mga ito na sina Redentor Ganasi, 54- anyos; Fe Ganasi, 51-anyos; Patricia Apil, 52-anyos; Teresa Ganasi; Ruth Ganasi; Joy Takiban; Marilou Sab-it; Rayvel Apil, 13- anyos at si Dominador Takiban, 11-months old.
Ang mga pasahero ay tubo ng Bangao, Buguias, Benguet at galing umano sila sa lowland para sa isang fellowship nang maganap ang aksidente.
Ayon kay SPO4 Romando Ande, mula sa Tuba Municipal Police Station, patungo sa lungsod ng Baguio ang mga bikima nang makaidlip umano ang driber na si Redentor Ganasi.
Dahil dito ay hindi niya nakontrol ang manibela hanggang sa sumalpok ang kanilang sasakyan sa poste ng kuryente na nasa kaliwang bahagi ng kalsada.
Agad namang nagresponde ang mga otoridad at isinugod sa Baguio General Hospital and Medical Center ang mga biktima.
