Immadu ti bilang dagiti tattao a napapatay idiay Iran a dumanon iti 901 idi tawen dos mil baente kuatro, agraman ti 31 a babbai, a dadduma kadagitoy ti nasentensiaan a nangpapatay kadagiti assawada tapno malabanan ti panangrames wenno kalpasan a napilitanda a makiasawa.
Daytoy ket maibasar iti opisina ti United Nation human rights.
Kaaduan kadagiti napapatay ket gapu kadagiti basol nga adda pakainaiganna iti iligal a droga, ken dagiti tattao a konektado iti panagprotesta idi 2022 gapu iti ipupusay ti maysa a babai nga agtawen ti 22 iti kustodia ti pulisia.
Iti pakabuklan, dumanon iti 901 nga indibidual ti napapatay babaen ti pannakabitay idi napan a tawen idiay Islamic Republic, nangatngato nu idilig iti walo gasut lima pulo ket tallo idi 2023.
Ti nasao a bilang ket nababba nu idilig met iti siam a gasut pito ket dua a napapatay idi tawen dos mil kinse.
Iti agdama, awan pay ti komento ti Iran seknan iti nasao a banag.
