BAGUIO CITY – Dumanon iti 9,000 a nagduduma a kita ti kayo ti naimula babaen iti Department of Environment and Natural Resources (DENR) Cordillera kagiddan iti manarimaan a nationwide simultaneous tree planting activity iti rehiyon.
Manipod iti nasao a bilang ti kayo, naimula iti probinsya ti Abra ti 1,953; 555 ti naimula sadiay Apayao; 1,955 iti Benguet; 1,860 iti Ifugao; 1,850 iti Kalinga; ken 732 iti Mountain Province.
Karaman kadagiti seedlings a naimula ti nagduduma a variety ti Benguet pine, bamboo, narra, mahogany, anchoan, dilaw, auri, ipil ipil, coconut, coffee, calliandra, bignay, guyabano, kamagong, dao, gmelina, Philippine ash, alnus ken dadduma pay
![](https://img.bomboradyo.com/baguio/2022/06/284386455_395921045911045_2013195454118696950_n.jpg)
Sigun ken DENR-CAR Regional Executive Director Ralph Pablo, ti nasao a tree planting activity ket nagserbi kas kick-off ti Environment Month celebration ken manamnama iti kadu pay a tree planting activities a maipatungpal ita a bulan.
Innayunna a namnamaenda pay a makaimula dagitoy babaen iti pannakibinnadangda kadagiti stakeholders iti public ken private sector kasaruno iti in inot a panagsubli ti normal a kasasaad ti rehiyon manipod iti pandemya
Inlawlawagna a kasaruno iti pannakapalukay dagiti restrictions ket nawayada a makaipatungpal iti tree planting
Mainaig iti dayta, kinunana a manamnama a maipatungpal ti region-wide tree planting ken watershed clean up inton June 25 kagiddan iti selebrasyon ti Arbor Day.