--Ads--
Nakasaganan ti 95% kadagiti pagadalan idiay Masbate nga ituloy ti panaglukat iti klase ita nga aldaw.
Sigun kenni Masbate Schools Division Superintendent Raymond Cantonjos, adda laengin iti manmano a pagadalan a saan a makaituloy iti on-site a klase gapu iti nakaro a panakadadael dagiti school buildings kasaruno ti panagdalapos ni bagyo nga Opong.
Gapu iti dayta, temporaryo a maipatungpal ti blended wenno fully modular learning agingga a maminpingsan a maisimpa dagiti nadadael a classroom.
Mainaig iti dayta, immuna metten a kinuna iti Department of Education (DepEd) a mangibangon dagitoy iti temporary learning space wenno TLS.
